Lolamsan

Ko'zlarimni quvontirgan o'zingsan
Dunyoda borligimga ishontirgan o'zingsan
Hayotim har onimga singib ketgan onimsan
Ne sinov ne dardlarni yengib ketgan Lolamsan

Men uchun baxsh etilgan kunlaringa ming shukr
Muhabbatli necha oy yillaringa tashakkur
Chunki mening bir tanu jonimdan bir poramsan
Dunyoda bor gullardan eng chiroyli Lolamsan

Kel endi har yangi tongni birga kutaylik
O'rtamizdan o'tgan dard alamni unutaylik
Birga birga umrimizni kuzlariga yetaylik
Sevgimiz ertagini shu qo'shiqda bitaylik